Шмат добрых ініцыятыў рэалізавана ў раёне да Дня Кастрычніцкай рэвалюцыі. Адна з іх — акцыя па азеляненні тэрыторыі воінскіх захаванняў.

Добраўпарадкаваць памятныя месцы ў вёсцы Слабодка і пасёлку Глуша аднайменных сельсаветаў сабраўся грамадскі актыў раёна на чале са старшынёй Бабруйскага райвыканкама Аляксандрам Сухадольскім. У мерапрыемстве таксама прынялі ўдзел члены раённай арганiзацыi РГА “Белая Русь”, партыі “Белая Русь”, i iншых грамадскіх арганізацый, у тым ліку моладзевай —“БРСМ”.

У Слабодцы кусты івы шаравіднай, хвоі і туі ўпрыгожылі тэрыторыю абапал брацкай магілы па вуліцы Шасейнай. У Глушы — воінскае захаванне паўз шашы Бабруйск-Слуцк.

— Сабраліся, каб пасадзіць дрэўцы, зрабіць тэрыторыю больш прывабнай і добраўпарадкаванай, а разам і аддаць даніну памяці людзям, якія, абараняючы нашу зямлю ад ворага, нямецка-фашысцкіх акупантаў, засталіся ляжаць у ёй навечна. Настрой на працу ва ўсіх пазітыўны, дружна зрабілі намечанае, — адзначыў Аляксандр Сухадольскі.

Алена КАРПЕНКА. Фота Віктара ШЭЙКІНА.